Արթուր Հարությունյանը շուրջ 20 տարվա փորձառություն ունի հաշվապահական հաշվառման և խորհրդատվության բնագավառում ինչպես մասնավոր, այնպես էլ պետական ոլորտներում: Նա ունի հաշվապահական հաշվառման և աուդիտի դասավանդման երկարամյա փորձառություն ՀՀ առաջատար բուհերում: 2002 թվականից հանդիսանում է Հայաստանի հաշվապահների և աուդիտորների ասոցիացիայի (ՀՀԱԱ) խորհրդի անդամ և Կրթության և որակավորման հանձնաժողովի նախագահ, իսկ 2014 թ.-ին ընտրվել է՝ որպես ՀՀԱԱ նախագահի տեղակալ:
Տնօրենների հայկական ինստիտուտի համահիմնադիր և խորհրդի անդամ է (2015-2021), իսկ 2017-ից` Փոքր ու միջին ձեռնարկատիրության զարգազման ազգային կենտրոնի հոգաբարձուների խորհրդի անդամ: 2008 թ. նշանակվել է ՀՀ վարչապետի որոշմամբ ստեղծված ՀՀ-ում Հաշվապահական հաշվառման և աուդիտի ոլորտների բարեփոխումների հանձնաժողովի անդամ:
Ընդգրկված է եղել Ֆինանսական հաշվետվությունների միջազգային ստանդարտների (ՖՀՄՍ) և դրանց հետագա փոփոխությունների (2012-2013, 2019) պաշտոնական հայերեն թարգմանության գործընթացում՝ որպես ՖՀՄՍ-ների թարգմանության վերանայող հանձնախմբի փորձագետ, վերանայման հանձնախմբի ենթախմբի ղեկավար (2009): ՀՀ-ում ՖՀՄՍ-ները կիրառող, ինչպես նաև ՓՄԿ ՖՀՄՍ-ն կիրառող կազմակերպությունների համար հաշվային պլանների և դրանց կիրառման հրահանգների հեղինակն է (2011-2012):
Ակտիվորեն ներգրավված է եղել ՀՀ-ում հաշվապահական հաշվառման և աուդիտի ոլորտների բարեփոխումներում 1998-2003 թթ.՝ որպես ՀՀ ֆինանսների և էկոնոմիկայի նախարարության հաշվապահական հաշվառման և աուդիտի մեթոդաբանության վարչության պետ: Այդ պաշտոնում նա ձեռնամուխ է եղել ոլորտի բարեփոխումներին ու կարգավորմանն ուղղված հայեցակարգերի, կառավարության որոշումների, օրենքների և այլ իրավական ակտերի նախագծերի մշակմանը, այդ թվում` հաշվապահական հաշվառման մասին, աուդիտորական գործունեության մասին, դրամարկղային գործառնությունների մասին ՀՀ օրենքների, դրանցից բխող կարգերի և կանոնակարգերի մշակմանը, ՀՀՄՍ-ների հիման վրա ՀՀ հաշվապահական հաշվառման ստանդարտների մշակմանը, վերջիններիս հիման վրա նոր հաշվային պլանի և ֆինանսական հաշվետվությունների նոր ձևերի մշակմանը, ինչպես նաև մի շարք պետական ձեռնարկություններում նշված ստանդարտների և հաշվային պլանի փորձնական ներդրման գործընթացի կազմակերպմանն ու վերահսկմանը: Այդ տարիներին Արթուր Հարությունյանն ակտիվ դերակատարում է ունեցել հաշվապահների որակավորման գործընթացում` մշակելով որակավորման գործընթացի կազմակերպման կանոնակարգերը, որակավորման ծրագիրն ու քննությունների հարցաշարերը: Նա ներգրավված է եղել նաև ՀՀ-ում աուդիտորական կազմակերպությունների լիցենզավորման գործընթացում` հանդիսանալով ՀՀ ՖԷՆ լիցենզավորման հանձնաժողովի նախագահ: 2006 թվականից «Էյ-Էն Աուդիտ» ՓԲԸ բաժնետեր է և տնօրենը:
Նաիրի Ադամյանն ունի ավելի քան 25 տարվա փորձառություն հաշվապահության և խորհրդատվության բնագավառում:
2007-2018 թթ․ եղել է Հայաստանի հաշվապահների և աուդիտորների ասոցիացիայի (ՀՀԱԱ) վերստուգիչ հանձնաժողովի նախագահ:
Նաիրի Ադամյանն 1995 թ. ավարտել է Հայաստանի պետական տնտեսագիտական համալսարանը (նախկին ԵրԺՏԻ) ստանալով հաշվապահական հաշվառման և աուդիտի մասնագիտացմամբ տնտեսագետի որակավորում։ Հանդիսանում է ՀՀԱԱ-ի և ՀՀ ֆինանսների նախարարության կողմից որակավորված աուդիտոր:
Նա ունի ՀՀ էներգետիկայի, հանքարդյունաբերության, առևտրի և արտադրության ոլորտների կազմակերպություններին հաշվապահական և խորհրդատվական ծառայությունների մատուցման հսկայական փորձ: Իր կարիերայի սկզբնական շրջանում նա աշխատել է ՀՀ ֆինանսների և էկոնոմիկայի նախարարությունում որպես հաշվապահական հաշվառման և աուդիտի մեթոդաբանության վարչության բաժնի պետ: Հետագայում, տարբեր ժամանակաշրջաններում, նա ղեկավարել է ՀՀ էներգետիկ համակարգի խոշոր ընկերությունների, ինչպիսիք են Հայասանի Էլեկտրական ցանցերը, Երևւանի ՋԷԿ-ը, Հրազդանի ՋԷԿ-ը, ինչպես նաև ՀՀ Ազգային Ժողովի աշխատակազմի ֆինանսական/ հաշվապահական ծառայությունները։
Նաիրի Ադամյանն իր մասնագիտական խորը գիտելիքներով, փորձառությամբ և անձնական նվիրվածությամբ մեծ ներդրում ունի «Էյ-Էն Աուդիտ» ՓԲԸ-ի հաշվապահական և խորհրդատվական նախագծերում: Նա մեծագույն հանձնառությամբ նպաստում է պատվերների օպտիմալ պլանավորմանը և արդյունավետության բարձրացմանը: Նաիրի Ադամյանի փորձառությունը տարածվում է նաև բիզնես խորհրդատվության, համալիր ուսումնասիրության և ֆինանսական հաշվառման ոլորտներում:
Արտակ Նահապետյանը «Էյ-Էն Աուդիտ» ՓԲԸ-ին է միացել 2004 թվականից և այդ ընթացքում կուտակել է հաշվապահական հաշվառման համակարգերի մշակման, ներդրման, վերականգնման ու վարման հսկայական փորձառություն: Նա խորապես տիրապետում է մետաղամշակման արտադրության, առևտրի, հանրային սննդի, շինարարության և կրթության ոլորտներում կառավարչական, ֆինանսական ու հարկային հաշվառումների նրբություններին:
Մինչև «Էյ-Էն Աուդիտ» ՓԲԸ-ին միանալը, Արտակն աշխատել է «Հայկական Ծրագրեր» ընկերությունում՝ որպես «ՀԾ-հաշվապահական համակարգերի» սպասարկման բաժնի խորհրդատու:
Արտակը Հայաստանի ֆրանսիական համալսարանում, Հաշվապահության ուսուցման միջազգային կենտրոնում, Հաշվապահական միջազգային բիզնես կենտրոնում դասավանդել է «Հաշվապահական հաշվառումը համակարգչային ծրագրերի կիրառմամբ» առարկան:
2001 թ. ավարտել է ԵՊՀ տնտեսագիտության ֆակուլտետի մագիստրատուրան` ստանալով տնտեսագիտության մագիստրոսի աստիճան:
Արտակ Նահապետյանը ՀՀ ֆինանսների նախարարության կողմից որակավորված աուդիտոր է: Հայաստանի հաշվապահների և աուդիտորների (ՀՀԱԱ) լիիրավ անդամ է և անդամակցում է ՀՀԱԱ հարկային հարցերի մասնագիտական հանձնաժողովին:
Հակոբ Վարդանյանը «Էյ-Էն Աուդիտ» ՓԲԸ-ին է միացել 2017 թվականից: Աշխատում է թեթև արդյունաբերության, գյուղատնտեսության, շինարարության, առևտրի և ծառայությունների ոլորտներում:
Մինչ «Էյ-Էն Աուդիտ»-ին միանալը Հակոբն աշխատել է «Արտ-Լար» ֆինանսական և հաշվապահական ընկերությունում՝ որպես հաշվապահական խմբի ղեկավար: Մինչ այդ փորձառություն է ձեռք բերել նաև ՀՀ բանկային համակարգում:
Նա խորապես տիրապետում է տեքստիլ արտադրության, առևտրի, հանրային սննդի, շինարարության, գյուղատնտեսության և ՏՏ ոլորտներում կառավարչական, ֆինանսական ու հարկային հաշվառումների նրբություններին:
2007 թ. ավարտել է Հայաստանի պետական տնտեսագիտական համալսարանը՝ ստանալով տնտեսագետի որակավորում:
Ունի փորձագետ հաշվապահի որակավորում` տրված Հայաստանի աուդիտորների և փորձագետ հաշվապահների պալատի կողմից (2022թ.) և անդմակցում է վերջինիս: Մինչ այդ ուներ ՀՀ ֆինանսների նախարարության կողմից տրված որակավորված հաշվապահի վկայական:
Նա սահուն տիրապետում է ռուսերենին և ունի բավականաչափ աշխատանքային գիտելիքներ անգլերենով:
Հովսեփը 2014թ. ապրիլից հոկտեմբեր ամիսներին Միավորված Ազգերի Կազմակերպության (ՄԱԿ) «Երիտասարդների առաջխաղացման արահետ» զարգացման ծրագրի շրջանակներում աշխատանքային պրակտիկա է անցել «Էյ-Էն Աուդիտ» ՓԲԸ-ում և 2014 թ. հոկտեմբեր ամսից դարձել է «Էյ-Էն Աուդիտ» ՓԲԸ-ի հարկային և խորհրդատվական ծառայությունների բաժնի աշխատակից:
2014թ. նա ավարտել է Հայաստանի Պետական Տնտեսագիտական Համալսարանը տնտեսագիտության բակալավրի աստիճանով՝ բիզնեսի կազմակերպում մասնագիտությամբ:
2016թ․ ավարտել է Հաշվապահության Ուսուցման Միջազգային Կենտրոնի մագիստրատուրան՝ ստանալով մագիստրոսի կոչում հաշվապահական հաշվառում և աուդիտ մասնագիտությամբ:
Ունի վճարա-հաշվարկային կազմակերպությունների գլխավոր հաշվապահի որակավորման վկայական` տրված ՀՀ կենտրոնական բանկի կողմից (2021թ.) և փորձագետ հաշվապահի որակավորում` տրված Հայաստանի աուդիտորների և փորձագետ հաշվապահների պալատի կողմից (2022թ.):
Սյուզաննա Բիլյանը աշխատում է «Էյ-Էն Աուդիտ» ՓԲԸ-ի հարկային և խորհրդատվական ծառայությունների բաժնում 2012 թ. մայիսից:
Ավարտել է Երևանի պետական տնտեսագիտական ինստիտուտի (Հայաստանի պետական տնտեսագիտական համալսարան) Ընդհանուր տնտեսագիտության ֆակուլտետի Ազգային տնտեսագիտության բաժինը՝ մակրոէկոնոմիկա մասնագիտությամբ:
Սյուզաննա Բիլյանը մասնագիտացել է արտադրության և արտահանող ընկերությունների հաշվապահական հաշվառման ոլորտում: Հաջողությամբ իրականացnւմ է մի շարք հաշվապահական հաշվառման համակարգերի ներդրման և կառուցման նախագծեր ՏՏ, շինարարական, գյուղատնեսական և այլ ոլորտներում:
Արմինեն միացել է «Էյ-ԷՆ Աուդիտ» ՓԲԸ-ի թիմին 2021թ․ մարտից՝ որպես ավագ աուդիտոր։ Նախքան դա, նա ավելի քան 5 տարի կուտակել է մասնագիտական փորձ ինչպես հայկական,այնպես էլ մեծ քառյակի աուդիտորական կազմակերպություններում։ Արմինեն ներգրավված է եղել խոշոր ֆինանսական և արդյունաբերական կազմակերպությունների աուդիտի իրականացման նախագծերում։
2016 թվականին նա գերազանցությամբ ավարտել է Հայաստանի պետականի տնտեսագիտական համալսարանի «Կառավարում» բաժինը՝ ստանալով տնտեսագետի որակավորում։ Արմինեն նաև ունի «Ձեռնարկությունների տնտեսագիտության և կառավարման մագիստրոսի աստիճան նույն համալսարանից (2018):
2023 թ. ACCA-ի կողմից նրան շնորհվել է «Հաշվապահական հաշվառման և բիզնեսի» առաջնակարգ դիպլոմ։ Նույն թվականին Արմինեն ստացել է աուդիտորի որակավորում Հայաստանի աուդիտորների և փորձագետ հաշվապահների պալատից և անդամակցում է վերջինիս:
Արսեն Նազարյանը կորպորատիվ կառավարման և ESG խորհրդատվության ոլորտում ունի ավելի քան 25 տարվա փորձ՝ աշխատելով պետական կառույցներում, միջազգային կազմակերպություններում և մասնավոր հատվածում։ Նրա գործունեությունը ուղղված է կազմակերպություններին աջակցելուն՝ կառուցելու ավելի թափանցիկ, կայուն և դիմակայուն բիզնես մոդելներ, ինչպես նաև նպաստելուն Հայաստան և տարածաշրջան ներմուծվող միջազգային կառավարման և կայունության ստանդարտներին։
Nexia Armenia CJSC‑ում, որպես գործընկեր և խորհրդատվական ծառայությունների ղեկավար, Արսենը առաջնորդում է ընկերության ESG և կայուն զարգացման ուղղությունը՝ աջակցելով կազմակերպություններին պատասխանատու կառավարումը, կլիմայական ռիսկերի կառավարումը և երկարաժամկետ արժեք ստեղծող ռազմավարությունները ներառել իրենց գործունեության մեջ։ Նա նաև Green Growth Alliance (GGA) նախաձեռնության համահիմնադիրն է՝ նպաստելով Հայաստանի անցմանը դեպի ավելի կանաչ և ներառական տնտեսություն։
Բացի խորհրդատվական գործունեությունից, Արսենը դասավանդում է Կայուն զարգացում, ESG և Կորպորատիվ կառավարում Եվրասիա միջազգային համալսարանում՝ ձևավորելով ոլորտի նոր մասնագետների սերունդ։ Նա հեղինակ է բազմաթիվ հոդվածների՝ ուղղված կանաչ ֆինանսներին, կանաչ ներդրումներին, բնապահպանական իրավախախտումների կանխարգելմանը, կորպորատիվ մշակույթի նշանակությանը և ESG ռիսկերի կառավարմանը։
Լիլիթը միացել է «Էյ-ԷՆ Աուդիտ» ՓԲԸ-ի թիմին 2024թ․ մայիսին՝ որպես Աուդիտի մենեջեր։ Մինչ այդ, ավելի քան 12 տարի նա կուտակել է մասնագիտական փորձ Մեծ քառյակի աուդիտորական կազմակերպություներից մեկում։ Այդ տարիների ընթացքում Լիլիթը ներգրավված է եղել խոշոր ֆինանսական և արդյունաբերական կազմակերպությունների աուդիտի իրականացման նախագծերում՝ աշխատելով ընկերության Երևանի, Մոսկվայի, Նյու Յորքի և Պրահայի գրասենյակներում։
2010 թվականին նա գերազանցությամբ ավարտել է Երևանի պետական համալսարանի Տնտեսագիտության և կառավարման ֆակուլտետը՝ ստանալով տնտեսագետի որակավորում։ Լիլիթը նաև ունի Գործարար կառավարման մագիստրոսի աստիճան նույն համալսարանից (շնորհվել է գերազանցության դիպլոմ):
2024 թվականին Լիլիթը ստացել է աուդիտորի որակավորման վկայական Հայաստանի աուդիտորների և փորձագետ հաշվապահների պալատից: Լիլիթը նաև հանդիսանում է ACCA ուսանող։
Լիլիթ Թարխանյանը միացել է «Նեքսիա Արմենիա»-ի թիմին 2026թ. հուլիսին՝ որպես ՄՌԿ մասնագետ/ադմինիստրատիվ օգնական։
Մինչև «Նեքսիա Արմենիա»-ին միանալը, մասնագիտական փորձ է ձեռք բերել «Սիմոնյան» կրթական հիմնադրամում։
2021թ. ընդունվել է Վ․ Բրյուսովի անվան պետական համալսարանի սոցիալական գիտությունների և սերվիսի ֆակուլտետ, 2025թ. ավարտել այն՝ ստանալով քաղաքագիտության բակալավրի աստիճան։
Շուշան Բաղդասարյանը միացել է «Նեքսիա Արմենիա» ՓԲԸ թիմին 2020թ. օգոստոսին՝ որպես հաշվապահ, տրամադրելով հաշվապահական ծառայություններ ֆինանսական և ներդրումային ոլորտների կազմակերպություններին։ 2024 թվականից նա զբաղեցնում է մենեջերի պաշտոնը նույն բաժնում։
Մինչև «Նեքսիա Արմենիա» ՓԲԸ-ին միանալը, Շուշանը աշխատել է «Ամերիաբանկ» ՓԲԸ-ի ֆինանսական և գործառնական դեպարտամենտում։
Նա 2015թ. ընդունվել է Հայաստանի պետական տնտեսագիտական համալսարանի ֆինանսական ֆակուլտետ և 2019թ. ավարտել այն՝ ստանալով ֆինանսիստի բակալավրի աստիճան։ Այնուհետև շարունակել է ուսումը նույն համալսարանի բանկային գործունեության կազմակերպման մագիստրատուրայում՝ 2021թ. ստանալով մագիստրոսի աստիճան։
2024թ. Շուշանը հաջողությամբ ավարտել է Հայաստանի աուդիտորների և փորձագետ հաշվապահների պալատի որակավորման ծրագրի քննությունները, ստացել փորձագետ հաշվապահի որակավորում և դարձել պալատի անդամ։
Հարություն Մայիլյանը միացել է «Էյ-Էն Աուդիտ» ՓԲԸ-ի թիմին 2020թ. մարտից՝որպես հաշվապահ: Մինչև այդ նա ձեռք է բերել շուրջ երեք տարվա մասնագիտական փոձրառություն` հաշվապահական ծառայություններ մատուցող և շինարարական կազմալերպություններում (նաև որպես գնումների համակարգող):
Հարությունը 2018թ. ավարտել Հայաստանի Ազգային Ագրարային Համալսարանը` հաշվապահական հաշվառման մասնագիտությամբ: 2020թ. ավարտել է նույն համալսարանի հաշվապահական հաշվառում և աուդիտ ֆակուլտետի մագիստրատուրան՝ ստանալով մագիստորսի աստիճան:
Հարությունը մշտապես ձգտում է խորացնել և կատարելագործել մասնագիտական գիտելիքները և հմտությունները: 2019թ-ից մասնակցում է Հայաստանի աուդիտորների և փորձագետ հաշվապահների պալատի որակավորման ծրագրին և հաջողությամբ հանձնել է «Ֆինանսական հաշվառում» , «Ֆինանսական տեղեկատվություն կառավարման համար», «Իրավագիտության հիմունքներ», «ՀՀ հարկային օրենսդրություն» և «Ֆինանսական Կառավարում և վերահսկողություն» քննությունները:
Անետա Սարխոշյանը միացել է «Նեքսիա Արմենիա» ՓԲԸ թիմին 2019թ. մայիսին՝ որպես պրակտիկանտ: Արդեն մեկ ամիս անց նա համալրել է ընկերության հաշվապահական ծառայությունների բաժինը՝ զբաղեցնելով հաշվապահ-օգնականի պաշտոնը, իսկ 2024 թվականից շարունակել է իր մասնագիտական ուղին՝ որպես ավագ հաշվապահ։
Անետան 2015 թվականին ընդունվել է Երևանի Պետական Համալսարանի տնտեսագիտության և կառավարման ֆակուլտետ և 2019թ. ավարտել այն՝ ստանալով տնտեսագիտության բակալավրի աստիճան։ 2021թ. նույն համալսարանում նա ստացել է մագիստրոսի կոչում՝ մասնագիտանալով հաշվապահության և աուդիտի ոլորտում։
2022 թվականից հանդիսանում է Հայաստանի աուդիտորների և փորձագետ հաշվապահների պալատի որակավորման ծրագրի մասնակից և հաջողությամբ հանձնել է «Իրավագիտության հիմունքներ», «ՀՀ հարկային օրենսդրություն» և «Ֆինանսական հաշվառման հիմունքներ» առարկաների քննությունները։
Շաքրոն 2021թ. նոյեմբերին պրակտիկա է անցել «Նեքսիա Արմենիա» ՓԲԸ-ում, իսկ 2022թ. փետրվարին միացել է ընկերության աուդիտ բաժնի թիմին՝ որպես աուդիտոր-օգնականիսկ, իսկ 2025թ.-ից զբաղեցնում է ավագ աուդիտորի պաշտոնը։
2018թ. ընդունվել է Հայաստանի պետական տնտեսագիտական համալսարանի հաշվապահական հաշվառում և աուդիտ ֆակուլտետ և 2022թ. ավարտել այն՝ ստանալով բակալավրի աստիճան «Հաշվապահական հաշվառում և հարկում» մասնագիտացմամբ։
2022 թվականից հանդիսանում է Հայաստանի աուդիտորների և փորձագետ հաշվապահների պալատի որակավորման ծրագրի մասնակից և հաջողությամբ հանձնել է «Ֆինանսական հաշվառման հիմունքներ», «Կառավարչական հաշվառում», «Իրավագիտության հիմունքներ», «ՀՀ հարկային օրենսդրություն», «Ֆինանսական հաշվետվությունների պատրաստում» և «Աուդիտ և հավաստիացում» առարկաների քննությունները։
Արևիկ Հակոբյանը միացել է «Նեքսիա Արմենիա» թիմին 2022թ. մարտին՝ որպես աուդիտոր-օգնական, իսկ 2025թ.-ից զբաղեցնում է ավագ աուդիտորի պաշտոնը։
Մինչ «Նեքսիա Արմենիա»-ին միանալը, 2018թ.-ից աշխատել է «Արև Քնսթրաքշն» ՓԲԸ-ում որպես հաշվապահ։
2020թ. գերազանցությամբ ավարտել է Հայաստանի պետական տնտեսագիտական համալսարանի «Հաշվապահական հաշվառում և հարկում» բաժինը՝ ստանալով տնտեսագետի որակավորում, իսկ 2022թ. նույն մասնագիտացմամբ ստացել է մագիստրոսի աստիճան։
Ներկայումս հանդիսանում է Հայաստանի աուդիտորների և փորձագետ հաշվապահների պալատի որակավորման ծրագրի մասնակից և հաջողությամբ հանձնել է «Ֆինանսական հաշվառման հիմունքներ», «Ֆինանսական տեղեկատվություն կառավարման համար», «Ֆինանսական հաշվետվությունների պատրաստում», «Ֆինանսական կառավարում» և «ՀՀ հարկային օրենսդրություն» առարկաների քննությունները։
Ելենա Ժամկոչյանը միացել է «Նեքսիա Արմենիա» թիմին 2023 թվականի մայիսին՝ որպես հաշվապահ-օգնական: Մինչ այդ, 2021 թվականից աշխատել է «ԷՅ-ՍԻ-ՍՍ» ՍՊԸ-ում՝ որպես հաշվապահ:
2023 թվականին գերազանցությամբ ավարտել է Հայաստանի պետական տնտեսագիտական համալսարանի «Հաշվապահական հաշվառում և հարկում» բաժինը՝ ստանալով տնտեսագետի որակավորում: 2025 թվականին ստացել է նույն համալսարանի աուդիտի մագիստրոսի աստիճան:
2024 թվականից հանդիսանում է Հայաստանի աուդիտորների և փորձագետ հաշվապահների պալատի որակավորման ծրագրի մասնակից և հաջողությամբ հանձնել է «Ֆինանսական հաշվառման հիմունքներ», «Իրավագիտության հիմունքներ», «ՀՀ հարկային օրենսդրություն» և «Կառավարչական հաշվառում» առարկաների քննությունները:
Գայանե Ափինյանն ունի 24 տարվա փորձառություն աուդիտի և հարակից բնագավառներում։ 2021թ. հուլիսից միացել է «Նեքսիա Արմենիա» ՓԲԸ թիմին՝ որպես աուդիտոր։
Մինչև «Նեքսիա Արմենիա»-յին միանալը, մասնագիտական փորձ է ձեռք բերել «Կոտք Աուդիտ» և «Հայ Աուդիտ» կազմակերպություններում։
Գայանեն նաև մասնակցել է ներքին աուդիտի և հատուկ գործընթացների իրականացման աշխատանքներին՝ ապահովելով աուդիտորական բարձր չափանիշներին համապատասխան գործառույթների իրականացում։
Անի Մկրտչյանը 2022 թվականի սեպտեմբերից փորձաշրջան է անցել «ԷՅ-ԷՆ Աուդիտ» ՓԲԸ-ում և մեկ ամիս անց հիմնական աշխատանաքի ընդունվել նույն ընկերության հաշվապահական և հարկային ծառայությունների բաժնում որպես հաշվապահի օգնական։
Անի Մկրչյանը 2022 թվականին գերազանցությամբ ավարտել է Հայաստանի Պետական Տնտեսագիատական Համալսարանի ինֆորմատիկայի և վիճակագրության ֆակուլտետը՝ ստանալով բակալավրի աստիճան։
2024 թվականից մասնակցում է Հայաստանի աուդիտորների և փորձագետ հաշվապահների պալատի որակավորման ծրագրին և հաջողությամբ հանձնել է «ՀՀ հարկային օրենսդրություն» առարկայի քննությունը։
Հովհաննես Ղուլիջանյանը 2022թ. նոյեմբեր-դեկտեմբեր ամիսներին պրակտիկա է անցել «Նեքսիա Արմենիա»-ում, իսկ 2023թ. հունվարից միացել է ընկերության թիմին՝ ֆինանսական և ներդրումային ոլորտների կազմակերպություններին հաշվապահական ծառայություններ տրամադրող բաժնում։
Մինչև «Նեքսիա Արմենիա»-ին միանալը մասնագիտական փորձ է ձեռք բերել «Ասեդլ» ՍՊԸ ֆինանսական բաժնում։
2023-ի փետրվարից մինչև 2024-ի օգոստոսը աշխատել է Քոգնայզ Էնջինիրինգում որպես ֆինանսական վերլուծաբան։
2020թ. ընդունվել է Հայաստանի պետական տնտեսագիտական համալսարանի ֆինանսական ֆակուլտետ, 2024թ. ավարտել այն՝ ստանալով բակալավրի աստիճան։ 2026թ ավարտել է նույն համալսարանի մագիստրատուրան՝ «Արժեթղթերի շուկայի վերլուծություն և կառավարում» մասնագիտացմամբ։
2023 թվականից մասնակցում է Հայաստանի աուդիտորների և փորձագետ հաշվապահների պալատի որակավորման ծրագրերին և հաջողությամբ հանձնել է «Ֆինանսական հաշվետվությունների պատրաստում», «Կառավարչական հաշվառում», «Իրավագիտության հիմունքներ», «ՀՀ հարկային օրենսդրություն», «Ֆինանսական կառավարում և վերահսկողություն» առարկաների քննությունները։
Նելլի Զատիկյանը աշխատանքային փորձառություն է անցել «Էյ-Էն Աուդիտ» ՓԲԸ-ում և 2 ամիս անց՝ 2021 թվականի օգոստոսին աշխատանքի է ընդունվել նույն կազմակերպության հաշվապահական և հարկային ծառայությունների բաժնում՝ որպես հաշվապահ-օգնական։
Նելլի Զատիկյանը ավարտել է Հայաստանի Պետական Տնտեսագիտական Համալսարանի հաշվապահական հաշվառում և հարկում ֆակուլտետը՝ ստանալով բակալավրի աստիճան։
Կարո Սարգսյանը աշխատանքային փորձառություն է անցել «Էյ-Էն Աուդիտ» ՓԲԸ-ում և 2022 թվականի փետրվարին աշխատանքի է ընդունվել նույն կազմակերպության հաշվապահական և հարկային ծառայությունների բաժնում՝ որպես հաշվապահ-օգնական։ 2019-2021 թվականներին ծառայել է ՀՀ Զինված Ուժերում։
2016-2019 թվականներին սովորել է Երևանի թիվ 2 պետական տարածաշրջանային քոլեջի հաշվապահական հաշվառում բաժնում։ Ավարտել է Երևանի Պետական Տնտեսագիտական Համալսարանի «Ֆինանսներ» ֆակուլտետի բակալավրիատը։
Ներկայումս մասնակցում է Հայստանի աուդիտորների և փորձագետ հաշվապահների պալատի որակավորման ծրագրին և հաջողությամբ հանձնել է`
- Ֆինանսական հաշվառման հիմունքներ,
- Կառավարչական հաշվառում,
- Իրավագիտության հիմունքներ
- Կորպորատիվ իրավունք,
- ՀՀ հարկային օրենսդրություն,
- Ֆինանսական կառավարում,
- Ֆինանսական հաշվետվությունների պատրաստում քննությունները:
Մարինե Սահրադյանը միացել է «Նեքսիա Արմենիա» ՓԲԸ թիմին 2023թ. մայիսին՝ որպես հաշվապահ, ֆինանսական և ներդրումային ոլորտների կազմակերպություններին հաշվապահական ծառայություններ մատուցող բաժնում։
Նախքան «Նեքսիա Արմենիա»-ին միանալը, աշխատել է «Արդշինբանկ» ՓԲԸ-ի Հաշվարկների ավտոմատացման բաժնում որպես հաշվապահ, այնուհետև «Օպերայի և բալետի ազգային ակադեմիական թատրոն» ՊՈԱԿ-ի հաշվապահական հաշվառման բաժնում՝ որպես աշխատավարձի հաշվապահ, իսկ հետագայում «Էյ Էմ Էյչ Աուդիտ» ՓԲԸ-ում՝ որպես ավագ հաշվապահ։
1992թ. ընդունվել է Հայաստանի պետական տնտեսագիտական համալսարանի Միջազգային տնտեսական հարաբերություններ ֆակուլտետ, 1997թ. ավարտել այն՝ ստանալով տնտեսագետի որակավորում։
2012թ. ստացել է Կենտրոնական բանկի Աուդիտի և գլխավոր հաշվապահի որակավորման վկայական, 2021թ.՝ Ֆինանսների նախարարության կողմից տրված Հանրային հատվածի գլխավոր հաշվապահի որակավորման վկայական։
2025թ. հաջողությամբ հանձնել է Հայաստանի աուդիտորների և փորձագետ հաշվապահների պալատի որակավորման քննությունները՝ «Հաշվապահական հաշվառման հիմունքներ» և «Հարկային օրենսդրություն» առարկաներից։
Ջեմման միացել է «Նեքսիա Արմենիա» թիմին 2025թ. ապրիլին՝ որպես աուդիտորի օգնական։
2025թ. ընդունվել է Հայաստանի պետական տնտեսագիտական համալսարանի բակալավրիատում՝ «Ֆինանսներ» մասնագիտացմամբ։
Մարիամ Սիմոնյանը միացել է «Նեքսիա Արմենիա» ՓԲԸ թիմին 2022թ. ապրիլին՝ որպես հաշվապահ։ Մինչ այդ նա ունեցել է շուրջ յոթ տարվա մասնագիտական փորձառություն՝ աշխատելով տարբեր կազմակերպություններում Հայաստանում և Ռուսաստանում։
Մարիամը 2013թ. ավարտել է Մոսկվայի «Տուրիզմի և սերվիսի Ռուսաստանի պետական համալսարանը»՝ ստանալով տնտեսագիտության բակալավրի աստիճան։
2022 թվականից հանդիսանում է Հայաստանի աուդիտորների և փորձագետ հաշվապահների պալատի որակավորման ծրագրի մասնակից և հաջողությամբ հանձնել է «ՀՀ հարկային օրենսդրություն», «Ֆինանսական տեղեկատվություն կառավարման համար» և «Իրավագիտության հիմունքներ» առարկաների քննությունները։
Արտյոմ Սարգսյանը մասնագիտական փորձառություն է ձեռք բերել «Նեքսիա Արմենիա» ՓԲԸ-ում, որտեղ 2024թ. մարտին աշխատանքի է ընդունվել աուդիտ բաժնում՝ որպես աուդիտորի օգնական։
2021-2023թթ. ծառայել է ՀՀ Զինված Ուժերում։
2017-2021թթ. սովորել է Հայաստանի ազգային պոլիտեխնիկական քոլեջում՝ «Կապի ցանցեր և հեռահաղորդակցություն» մասնագիտությամբ։ Ներկայումս շարունակում է ուսումը Հայաստանի պետական տնտեսագիտական համալսարանի բակալավրիատում՝ «Հաշվապահական հաշվառում և աուդիտ» մասնագիտացմամբ։
2024թ. ավարտել է հնգամսյա հաշվապահական դասընթաց BAC հաշվապահական կրթական ընկերությունում։ Ներկայումս հանդիսանում է Հայաստանի աուդիտորների և փորձագետ հաշվապահների պալատի որակավորման ծրագրի մասնակից և հաջողությամբ հանձնել է «Ֆինանսական հաշվառման հիմունքներ» առարկայի քննությունը։
Մանեն միացել է «Նեքսիա Արմենիա» թիմին 2024թ. սեպտեմբերին՝ որպես հաշվապահի օգնական։
2020-2024թթ. սովորել է Հայաստանի պետական տնտեսագիտական համալսարանի բակալավրիատում՝ «Ֆինանսներ» մասնագիտացմամբ, իսկ ներկայումս մասնակցում է նույն համալսարանի «Բանկային գործ» մագիստրոսական ծրագրին։
2024 թվականին նա փորձ է ձեռք բերել բանկային ոլորտի տարբեր ուղղություններում՝ աշխատելով «Յունիբանկ» ԲԲԸ-ում։
Արսենը միացել է «Նեքսիա Արմենիա» թիմին 2024թ. նոյեմբերին՝ որպես հաշվապահի օգնական, իսկ այժմ զբաղեցնում է հաշվապահի պաշտոնը։
2017-2019թթ. ծառայել է ՀՀ Զինված ուժերում։
Արսենը 2015թ. ընդունվել է Հայաստանի ազգային պոլիտեխնիկական համալսարանի ինֆորմատիկայի և ծրագրային ճարտարագիտության ֆակուլտետը, որտեղ 2021թ. ստացել է ծրագրային ճարտարագիտության բակալավրի աստիճան։
Հայկը միացել է «Նեքսիա Արմենիա» թիմին 2024թ. հունիսին՝ որպես հաշվապահի օգնական, իսկ այժմ զբաղեցնում է հաշվապահի պաշտոնը։
2016-2022թթ. սովորել է Հայաստանի ազգային ագրարային համալսարանի բակալավրիատում՝ «Հաշվապահական հաշվառում և հարկում» մասնագիտացմամբ։
Քրիստինա Արամյանը 2020թ. նոյեմբերից հիմնական աշխատանքի է ընդունվել է «Էյ-Էն Աուդիտ» ՓԲԸ-ում հաշվապահական ծառայությունների բաժնում՝ որպես հաշվապահ-օգնական: 2015թ. Քրիստինան ընդունվել է Երևանի պետական համալսարանի «Տնտեսագիտության և կառավարման ֆակուլտետ և 2019թ. ստացել տնտեսագիտության բակալավրի աստիճան։ Ուսումն ավարտելուց հետո անցել է եռամսյա հաշվապահական դասընթաց Հաշվապահության ուսուցման միջազգային կենտրոն կրթական հիմնադրամում:
Լիլիթ Զաքարյանը միացել է «Նեքսիա Արմենիա» թիմին 2025թ. հունվարին՝ որպես հաշվապահի օգնական, իսկ 2026-ից սկսած զբաղեցնում է հաշվապահի պաշտոնը։
2021-2025թթ. սովորել է Հայաստանի պետական տնտեսագիտական համալսարանի ֆինանսական ֆակուլտետում և ներկայումս սովորում է նույն համալսարանի մագիստրատուրայում՝ արժեթղթերի շուկայի վերլուծություն և կառավարում բաժնում։
Գևորգ Ըխտոյանը 2026թ. մարտին միացել է «Նեքսիա Արմենիա» ՓԲԸ-ի աուդիտ բաժնի թիմին՝ որպես աուդիտորի օգնական։
Մինչ «Նեքսիա Արմենիա»-ին միանալը, 2023-2026թթ. աշխատել է «Rose Empire» ՍՊԸ-ում՝ որպես գլխավոր տնօրենի տեղակալ, իսկ 2020-2023թթ.՝ «Հայաստանի էլեկտրական ցանցեր» ՓԲԸ-ում՝ որպես ավագ ֆինանսական մասնագետ։ 2018-2020թթ. աշխատել է «KPMG Armenia» ՍՊԸ-ում՝ որպես կառավարման խորհրդատու։
Մասնագիտական գործունեությունը սկսել է «Unibank» ԲԲԸ-ում և «Spayka» ՍՊԸ-ում՝ որպես պրակտիկանտ։
2014-2018թթ. սովորել է Հայաստանի ամերիկյան համալսարանում՝ ստանալով բակալավրի աստիճան բիզնեսի ոլորտում։
