Այստեղ տեղադրված են COVID19-ով պայմանավորված մեկուսացման պայմաններում «Էյ-Էն Աուդիտ» ՓԲԸ տնօրեն Արթուր Հարությունյանի կողմից ֆինանսական հատվածի մասնագետների համար հեռավար եղանակով անցկացված ՖՀՄՍ 9 «Ֆինանսական գործիքներ» թեմայով դասընթացի ներկայացումները
2020թ. հունվարի 20-ին ՀՀՄՍԽ-ն հրապարակեց Փոփոխություններ ՀՀՄՍ 1-ում, որոնցով հստակեցվել է պարտավորությունների ընթացիկ կամ ոչ ընթացիկ դասակարգումը: Այս փոփոխություններով ավելի շուտ պարզաբանվում են գոյություն ունեցող դասակարգման մոտեցումները, քան թե սահմանվում նորերը: Ստորև ներկայացվածեն հիմնական հստակեցումները:
2018 թ. մարտին ՀՄՍԽ-ն հրապարակեց Ֆինանսական հաշվետվությունների պատրաստման և ներկայացման հայեցակարգային հիմունքների ամբողջական վերանայված տարբերակը: Էյ-Էն Աուդիտ ՓԲԸ տնօրեն Արթուր Հարությունյանը 2019 թ. փետրվարի 5-ին ՀՀԱԱ-ում որպես ՇՄԶ միջոցառում անցկացրած սեմինարի ընթացքում ներկայացրեց վերանայված հիմնական հայեցակարգերն ու հասկացությունները, մասնավորապես` ակտիվի և պարտավորութան սահմանումները:
2016 թվականի հուլիսի 14-ին «Էյ-Էն Աուդիտ» ՓԲԸ տնօրեն Արթուր Հարությունյանը ՀՀԱԱ-ում որպես շարունակական մասանագիտական զարգացման (ՇՄԶ) միջոցառում՝ անցկացրեց սեմինար՝ նվիրված ՀՀՄՍԽ-ի կողմից 2016-ի հունվարին հրապարակված` վարձակալության հաշվառման նոր ստանդարտին` ՖՀՄՍ 16-ին: Սեմինարի ընթացքում համառոտ ներկայացվել են ստանդարտի հիմնական նորամուծությունները, մասնավորապես վարձակալի կողմից «օգտագործման իրավունք հանդիսացող» ակտիվի և վարձակալական պարտավորության ճանաչումն ու չափումը գրեթե բոլոր վարձակալությունների համար` անկախ ֆինանսական կամ գործառնական լինելուց: ....
2015 թվականի հոկտեմբերի 23-ին «Էյ-Էն Աուդիտ» ՓԲԸ տնօրեն Արթուր Հարությունյանը Հայաստանի հաշվապահների և աուդիտորների ասոցիացիայում որպես շարունակական մասանագիտական զարգացման (ՇՄԶ) միջոցառում՝ անցկացրեց սեմինար՝ նվիրված ՀՀՄՍԽ Հայեցակարգային հիմունքներին: Սեմինարի ընթացքում ներկայացվել է գործող փաստաթուղթը, ինչպես նաև դրանցում ակնկալվող փոփոխությունները:
2015 թ. մայիսին ՀՀՄՍԽ-ն` Հաշվապահական հաշվառման միջազգային ստանդարտների խորհուրդը, ավարտեց «Փոքր ու միջին կազմակերպությունների ՖՀՄՍ»-ի (այսուհետ` ՓՄԿ ՖՀՄՍ) համապարփակ վերանայման իր ծրագիրը: Ամենատարբեր շահառուների լայն խմբի հետ անցկացված խորհրդակցություների արդյունքում ՀՀՄՍԽ-ն եկավ այն եզրակացության, որ գործնականում ՓՄԿ ՖՀՄՍ-ն իրեն արդարացրել է: Այնուամենայնիվ, ուրվագծվել էին նաև թիրախային բարելավումների կարիք ունեցող որոշակի մասեր:
