Հասարակության կողմից հանրային հատվածի ընկերությունների ընկալման առումով կարևոր է վերջիններիս կողմից ֆինանսական և գործունեության հաշվետվությունների պատրաստումը: 2015 թ. հուլիսի 1-ի դրությամբ Հայաստանի հանրային հատվածում գործում են 4,260 հասարակական կազմակերպություններ, 952 հիմնադրամներ և 298 իրավաբանական անձանց միություններ, որոնց գերակշիռ մասը դժվարանում է ֆինանսական հաշվետվությունների պատրաստման, հետևաբար նաև թափանցիկության ու հաշվետվողականության ապահովման հարցում:
Մենք ունենք հսկայական փորձ հանրային հատվածի կազմակերպություններին՝ հիմնադրամներին, հասարակական կազմակերպություններին, պետական բաժնեմասնակցությամբ ընկերություններին, ինչպես նաև իրավաբանական անձանց միություններին հարկային, հաշվապահական, աուդիտորական և խորհրդատվական ծառայությունների մատուցման գործում:
Լինելով հիմնադրամ կամ այլ ոչ առևտրային կազմակերպություն՝ հիրավի, Դուք բախվում եք մի շարք խնդիրների Ձեր առօրյա գործունեության ընթացքում: Մեր փորձառությունն այս ոլորտում թույլ է տալիս մատուցել ոչ միայն աուդիտորական ծառայություններ, այլ նաև խորհրդատվություն տրամադրել հետևյալ հարցերի շուրջ.
- Շահավետ և համապատասխան կազմակերպաիրավական ձևի ընտրություն
- ԱԱՀ-ի վերաբերյալ
- Հարկային օրենսդրության համապատասխանություն
- Աշխատանքային օրենսդրության համապատասխանություն
- Օրենսդրության հետ համապատասխանության ստուգում
- Ներքին վերահսկողության համակարգերի արդյունավետություն
